మై స్టార్ నైట్

సాత్విక     

నన్ను వేదించే తన తలపులన్నీ, 

అడిగెను నన్నే మేము ఎన్ననీ,

నేను ఎన్నలేను వాటినన్నిటినీ,

అందుకే ఆకసానుంచాను కొన్నిటిని,

చుక్కల్లోని కొన్ని చిలిపి చుక్కలు, 

వాటి  వెక్కిరింతకి తన బుగ్గ ఎరుపులు,

తలచిన నా మనసులో ఎన్నో మెరుపులు,

చూడలేని చందమామ మూతిముడుపులు

కవిత రాయాలని తపిస్తున్నా,

ప్రతి పదం నాకు ఎర వేస్తున్నా,

తన అందానికి తూగదని ఏరేస్తున్నా,

సరికొత్త నిఘంటువునే నే రాసేస్తున్నా...