July 13, 2013

సాత్విక

కవిత రచన : సాత్విక

"నీ చిరునువ్వు"
                          లోన హుందాగా  దాగుంది రాజసం,
    సొంతం చేసుకొమ్మని మారం చేసింది  నా మానసం,
' ఊహ కందని ఊసుతో ' మొదలెట్టాను నీతో సావాసం,
  నీ ఆలోచనలతోనే గడుపుతున్నాను , 
                                                 ' మా ' ఖసమ్ 
                                                   ( 'मा'  ख़सम )

"అనుక్షణం నా మనస్సు"
                  పరిబ్రమించును నీతో గడుపు క్షణాల కోసం,
నీ ప్రతి చూపులోని అర్ధం ఎప్పటికీ అంతేపట్టని అభ్యాసం,
నీవెదురైన ప్రతిక్షణం నాలో రేగిన అలజడి తాకేను ఆకాశం,
అది ఆస్వాదించడానికి నేను చేయలేదు, 
                                        ' ఒ ' ఘడియైనా ఆలస్యం 

"నీ చూపులోని చిలిపితనం"
                     నన్ను విడువదు కదా ఒక్క క్షణం.. కనీసం,
అలా ప్రతి క్షణమవుతోంది నామదిలో ఒక మధుర విలాసం,
ఆ మధుర క్షణాల దొంతరలు కలిగిస్తున్నవి నాకు పరవశం, 
ఈ ఘట్టం లేకుండా సంపూర్తి కాదు,  
                                              ' ఏ ' ప్రేమ ఇతిహాసం  

'నా కన్నులతో నిను జూడ' 
                              నాకు దక్కిన అద్భుత అవకాశం,
అది తలచిన ప్రతిసారీ మెరిసెను నా మదిలో దరహాసం,
స్పందించిన నా హృదయంలో పెల్లుబిక్కేను కవితారసం,
నిన్ను నా కన్నులతో నీకే చూపడానికి నాకు అవసరం, 
                                                ' ఈ ' పద విన్యాసం  

"నీ ప్రతి జ్ఞాపకం" 
            నా మదిలోన పదిలం, 
                   'చెరుప' చేయలేదు కాలమైన..  ' ఆ ' సాహసం  

6 comments:

  1. విన్నూతనంగా ఉంది.

    ReplyDelete
    Replies
    1. అంతేనా ఓ తెలుగమ్మాయి ... సరే కానివ్వండి మరి .. !!

      Delete
  2. మీరు వ్రాసిన ఈ కొత్త స్టైల్ కవిత్వం బహు బాగుందండి.

    ReplyDelete
    Replies
    1. మీరు వ్రాసిన మొత్తంలో "కవిత్వం" అనే పదం మీదన నాకు శానా అనుమానాలు ఉన్నాయి ... ఇది కవిత్వమంటారా ?...
      మీరు చెప్పారంటే నమ్మాల్సిందే మరి ....హ హ హ....

      Delete
  3. ఈ ఘట్టం లేకుండా సంపూర్తి కాదు,
    ' ఏ ' ప్రేమ ఇతిహాసం …

    చాలా చాలా బాగుంది . ఎన్ని యుగాలైనా మరచిపో(రా/లే)ని నిజం.

    ReplyDelete
    Replies
    1. exactly .... హ హ హ....

      Delete

మీ అమూల్యమయిన అభిప్రాయము/సలహాలు/సూచనలు