తపన-ఆశ బాధ-బాధ్యత

కవిత రచన : సాత్విక

'తపన' లోనే తాకిడి ఉంది,

'తాకిడి' లోనే పురోగమనం ఉంది,

అదే మనల్ని గమ్యానికి చేరుస్తుంది,

అందుకే కుదురుగా ఉండనీయనంది…

'ఆశ' లోనే ఇంధనముంది,

అదే మన అందరినీ నడిపిస్తోంది,

అవసరానికి మించితే దహించేస్తుంది,

అందుకే 'ఆశ'కి హద్దే అత్యవసరమైంది …

'బాధ' లోనే బంధనముంది,

'బంధన' లో భాద్యత దాగుంది,

బాధ్యతలోనే తృప్తి ఇమిడి ఉంది,

అందుకే సంసారంలో ఒక భాగమైంది …

'భాద్యత' లోనే బరువుంది,

'బరువు'మోయ పెద్దరికం అరువంది,

'అరువు తీర్చ'  లేనేలేదు గడువు అన్నది,

అందుకే పెద్దరికానికీ బాధ్యతకీ వయసుతో పనిలేకుంది ...