భావ సంగమం

కవిత రచన : సాత్విక

'ఆశ' -- 'ఆవేశం' వశమగునటువంటి పతాక సన్నివేశం,

'అర్ధం' -- 'యదార్ధం' నర్మగర్భమునుగ నున్న సందర్భం,

'బలమే' -- 'బలహీనత' వశమైనటువంటి బలీయమగు క్షణం, 

'మౌనం' -- 'మాట' విడివడి ఆ పై రాజీపడి ఆలపించిన రాగమే సాక్ష్యం,

'తృప్తికీ' -- 'అసంతృప్తికీ' వాదోపవాదములు మిన్నంటిన తరుణం

'బలానికి' -- 'బలహీనతకి'  ఓణుకు, చురుకు సమకూరు స్థితికి చేరువగా,

'చెమట ఉరవ'కు -- 'గాలి చొరవ' చల్లంగ చేజారి కనుమరుగవ్వంగా,

'అనాలోచన'కు -- 'యధాలాపం' ఎదురెళ్లి యధావిధిగా సహకరించ,

'సిరీ' -- 'సంపదా' పోటీగా పన్ను చెల్లింపుల ప్రక్రియ సాగించ,

'మనస్సు' హోరు -- 'వయస్సు' జోరు సరి సమతుల్యం సాధించ,

'నీవు' -- 'నేను' కనుమరుగై 'మనం' అనే భావం ఉద్భవించే అందముగా

అనేకానేక భావాల సంగమ మిళితమే 'నువ్వు' -- 'నేను' కలబోసిన మనం