చూడు .... నన్నిలా ...!!

కవిత రచన : సాత్విక

ఎగిసిపడుతున్నది  ఒక  అల,  

తీరం దరి చేరాలన్నది  దాని  కల ...

వువ్విళ్ళూరుతున్నది  నా మనసు, 

అది  నిన్ను  చేరటానికని  నీకు  తెలుసు ...

నిన్ను  కలుసుకోవాలని  తపించాను  అనుక్షణం, 

చేసాను  విశాల  ప్రపంచ  విహంగ  వీక్షణం ...

నీ  దరిచేరక  నాలో  ఆవహించింది  నిస్తేజం,

నీ  చిరునామా  తెలిసి  నాలో  ఎగిసింది  ఉత్తేజం ...

కడకు  చేరి   విశ్రమించాను  ఇక్కడ  చతికిల,

కడలి  తీరాన  చూడాలని   నీ  నవ్వుల  కిల కిల ...

నిన్ను  చూసి  చిన్నబోతుందా  చందమామ  వెన్నెల,

అందుకే  చాటేసావా ? నీ నగుమోము  ప్రక్కకు  ఆలా...