ఔనంటారా ? కాదంటారా ?

కవిత రచన : సాత్విక

ఓ  జననమా !

ప్రసవ  వేదన   కలిగిస్తావు ,  సృష్టి రహస్యాన్ని  తెలియ  చేస్తావు  .. 

తోలి  అడుగుకు  ఆధ్యం  నీవేనంటావు,  ప్రాణం  ఖరీదుకు  సాధ్యం  కాదంటావు ...

ఓ  జననమా !!  నువ్వు  దేవుడిచ్చిన  వరమా ?

ఓ  మరణమా !!

ప్రతి  జీవికి  నువ్వు  రుణపడి  ఉంటావు,అడగకనే  భ్రమపడి  ఋణం  చెల్లిస్తావు ..

జీవరాసి  విషయంలో  నీ  షరా  మామూలే,మా  ఈ  జీవితకాలానికి  పహారా నీవేలే ...

ఓ  మరణమా  !!  నువ్వూ  దేవుడిచ్చిన  వరమేనా ?

తొమ్మిది  నెలల   ప్రస్థానం  'ఆ'  జననం,  తొమ్మిది  ఘడియల  ప్రహసనం  'ఈ'  మరణం,

ఆహ్వానం  అంది  వచ్చే  అతిధే  'ఆ'  జననం,  తిరస్కారానికి  తలొగ్గక  తీసుకుపోయేదే  'ఈ'  మరణం,

ఇంతేకదా   మన   గీతాసారం !  అంతేలేనిది  ఈ  జీవన్మరణం   !!

కుల - మత  తారతమ్యం  ఎరుగదు  'ఆ'  జననం,  తన-మన  కారుణ్యం   తలవదు  'ఈ'  మరణం,

సృష్టి  రహస్యమే  'ఆ'  జనన  అంతర్జాలం,  ఎవ్వరికి  అంతుబట్టదు  'ఈ'  మరణ  మాయాజాలం,

ఇంతేకదా   మన   గీతాసారం !  అంతేలేనిది  ఈ  జీవన్మరణం   !!

కాలాంకితమయినది  'ఆ'  జననం , కలానికతీతమయినది  'ఈ'  మరణం,

జన్మించిన  'ఆ'  జీవి  కుటుంబానికి   'హోస్ట్',  మరణించిన  'ఈ'  జీవి  ప్రపంచానికిక  'ఘోస్ట్',

ఇంతేకదా   మన   గీతాసారం !  అంతేలేనిది  ఈ  జీవన్మరణం   !!