అందంగా లేనా ?

కవిత రచన : సాత్విక 

'ముక్కుసూటి' మంచిగుండదంటారు,

'లౌక్యం'తో ఉన్నా అవహేళన చేస్తారు,
వీళ్ళందరూ, నాకు పెట్టిన పేరే 'వంకర',
ఇంక వీళ్ళ బాధలు నే తాళలేను శంకరా !!

నడవడిక బాలేకున్నా నేనే విశేషణమా, ( వంకర ప్రవర్తన )

భాష సరిగా రాకున్నా నేనే భూషణమా,  ( వంకర భాష )

బుద్ది మందగించినా నా మీదనే హైడ్రామా, (వంకర బుద్ధి)

ఇంక, వలదు వలదు ఈ చిన్నచూపు అయ్యో రామా! 

మీరానందించే ప్రతి అందమైన జీవిత ఆకృతులే..

ఆణువణువూ మెలితిరిగిన సోయగాల సొంపులే,

అక్షరమాల అందాలన్నీ సుడి తిరిగిన వంపులే,

అదృష్టాన్ని కలిగించే హస్తరేఖలు ఉండును నావలే,

ఇంతకుమించి వినిపించిన అందురు మీరు భలే భలే !!

ఇప్పుడు చెప్పండి నేను అందంగా లేనా ? ?