లేని 'మా' జీవితమా !!

కవిత రచన : సాత్విక 

స్వేచ్చే లేని స్వాతంత్రమా,

మోసం లేని కుతంత్రమా,

ప్రత్యర్దే లేని సమరమా,

సమర్ధించ లేని నిజమా,

అర్ధం లేని సూత్రమా,

నటించ లేని నాటకమా,

ప్రేరణ లేని పయనమా,

ఉండీ లేని ఆంతర్యమా,

ఊహించ లేని కారణమా,

ఆదాయమే లేని వ్యాపారమా,

గమ్యమే లేని ప్రయాణమా,

గతంలోకిపో లేని వాస్తవమా,

భవిష్యత్తెరుగ లేని స్వగతమా,

నియంత్రించ లేని ప్రారబ్ధమా ,

భవితవ్యమే లేని సమాప్తమా,
ఇన్ని లేకున్నా నువ్వే  అసమానమా !

రూపం లేని ఓ జీవితమా !

నేనునూ నీ అభ్యర్ధినే సుమా !!